Hvað er EIMUR?

EIMUR er samstarfsverkefni sem snýr að bættri nýtingu orkuauðlinda og aukinni nýsköpun í orkumálum á Norðurlandi eystra. Að verkefninu standa Landsvirkjun, Norðurorka, Orkuveita Húsavíkur og Eyþing, samband sveitarfélaga í Eyjafirði og Þingeyjarsýslum. Auk þess eru Íslenski jarðvarmaklasinn og Íslenski ferðaklasinn aðilar að verkefninu, ásamt atvinnuþróunarfélögunum á svæðinu. 

Verkefnið er til þriggja ára og hafa stofnaðilar lagt verkefninu til hundrað milljónir króna.

 

Í stuttu máli eru helstu markmið EIMS að:

  • Kortleggja og markaðssetja orkuauðlindir á starfssvæðinu með áherslu á fjölþætta nýtingu hliðarstrauma þeirra.
  • Stuðla að aukinni verðmætasköpun með sterkum stuðningi við nýsköpun.
  • Stuðla að bættri nýtingu auðlinda.
  • Stuðla að aukinni þekkingu á samspili samfélags, umhverfis og efnahags.
  • Fjölga möguleikum svæðisins til að takast á við áskoranir samtímans og gera svæðið leiðandi á heimsvísu þegar kemur að samspili orku, umhverfis og samfélags með sjálfbærni og verðmætasköpun að leiðarljósi.

Það er mikill jarðhiti á Norðurlandi eystra og munum við eftir því sem líður á verkefnið bæta við meiri og meiri upplýsingum hér á síðunni, en þangað til bendum við áhugasömum um orku á Norðurlandi eystra á Kortasjá Orkustofnunar þar sem meðal annars má finna allar borholur á landinu.

Fólkið á bak við EIM 

Á bak við EIM eru fjölmargir aðilar. Framkvæmdastjóri félagsins er Albertína Friðbjörg Elíasdóttir. Upplýsingar um starfsfólk og stjórnir má finna hér.

·       Kortleggja og markaðsetja orkuauðlindir á starfssvæðinu með áherslu fjölþætta nýtingu hliðarstrauma þeirra og mögulegrar hliðarstrauma í annarra starfsemi.