4. júlí 2023

Orkar þú orkuskiptin? Laust starf í teymi með Eimi

Hefur þú áhuga á vinna að Evrópuverkefni  í teymi með EIMI?

Eimur óskar eftir að ráða öflugan einstakling til að leiða Evrópuverkefni um  orkuskipti í dreifðum byggðum , sem verður samstarfsverkefni níu aðila í fimm Evrópulöndum. Markmið verkefnisins er að efla getu sveitarfélaganna og atvinnulífsins til að takast á við orkuskipti og smíða orkuskiptaáætlun fyrir svæðið í samstarfi við sveitarfélögin, SSNE, og atvinnulífið á svæðinu.

 
Starfssvið og helstu verkefni:

  • Aðkoma að mótun og innleiðingu aðgerða til orkuskipta hjá sveitarfélögum og atvinnulífi á Norðurlandi eystra
  • Verkefnastjórnun og eftirfylgni
  • Söfnun, greining og úrvinnsla gagna
  • Vinnsla texta til opinberrar birtingar á íslensku og ensku
  • Utanumhald og stýring vinnustofa og samráðsfunda
  • Samskipti við sveitarfélög, hagsmunaaðila á svæðinu og erlenda samstarfsaðila
  • Önnur verkefni sem snúa að orkuskiptum í samstarfi við hagsmunaaðila

Menntunar- og hæfniskröfur:

  • Háskólamenntun sem nýtist í starfi
  • Farsæl og haldgóð starfsreynsla sem nýtist í starfi
  • Reynsla af verkefnastjórnun er kostur
  • Þekking á orku- og umhverfismálum og áhugi á nýsköpun
  • Færni í meðferð tölulegra gagna
  • Færni í að koma frá sér efni í ræðu og riti
  • Framúrskarandi enskukunnátta
  • Frumkvæði, drifkraftur og sjálfstæði í vinnubrögðum
  • Framúrskarandi hæfni í samskiptum

Eimur  er samstarfsverkefni Landsvirkjunar, Norðurorku, Orkuveitu Húsavíkur, Samtaka sveitarfélaga og atvinnuþróunar á Norðurlandi eystra (SSNE) og Umhverfis- orku- og loftslagsráðuneytisins. Markmið verkefnisins er að bæta nýtingu auðlinda á Norðurlandi eystra með sjálfbærni, nýsköpun og verðmætasköpun að leiðarljósi og að styðja við uppbyggingu atvinnulífs á svæðinu á grænum forsendum.

Umsóknarfrestur er til og með  10. ágúst 2023

 Nánari upplýsingar veita Sigríður Ólafsdóttir I sigga@mognum.is Telma Eiðsdóttir I telma@mognum.is

 Með umsókn þarf að fylgja ítarleg  ferilskrá  auk  kynningarbréfs  þar sem gerð er grein fyrir ástæðu umsóknar og rökstuðningur fyrir hæfni umsækjanda.

SMELLTU HÉR TIL AÐ SÆKJA UM 


Deila frétt

Nýr framkvæmdastjóri Eims ráðinn

31. ágúst 2026
Hildur Arna Magnúsdóttir hefur verið ráðin framkvæmdastjóri Eims og hefur störf 1. október næstkomandi. Hildur hefur yfir tíu ára reynslu af stjórnun, stefnumótun, nýsköpun, verkefnastjórnun og stjórnun verkefnasafna, einkum innan orku- og innviðageirans. Hún hefur á ferli sínum leitt fjölbreytt þróunar- og umbótaverkefni, stýrt teymum og unnið að því að þróa hugmyndir og koma þeim í framkvæmd. Hildur er með M.Sc.-gráðu í rekstrarverkfræði (Management Engineering) frá Danmarks Tekniske Universitet (DTU), m.a. með áherslu á nýsköpun og stjórnun, og B.Sc.-gráðu í iðnaðarverkfræði frá Háskóla Íslands. „Ég er full tilhlökkunar að taka við starfi framkvæmdastjóra Eims. Ég sé gríðarleg tækifæri á Norðurlandi til að skapa ný verðmæti með því að nýta betur þær auðlindir, þekkingu og kraft sem þegar er til staðar á svæðinu. Eimur gegnir mikilvægu hlutverki við að leiða saman fólk, þekkingu og hugmyndir og hjálpa til við að breyta tækifærum í raunveruleg verkefni. Hjá Eimi starfar öflugur hópur fólks með mikla sérþekkingu og metnað. Ég hlakka til að byggja áfram á því góða starfi sem þegar hefur verið unnið, og vinna með starfsfólki, bakhjörlum og samstarfsaðilum Eims að því að skapa ný tækifæri og verðmæti á Norðurlandi“. Frá stjórn Eims: „Við erum ákaflega ánægð með ráðningu Hildar í starf framkvæmdastjóra Eims. Við erum sannfærð um að reynsla hennar, þekking og leiðtogahæfileikar muni nýtast félaginu vel. Með ráðningunni tekur við nýr kafli í starfsemi Eims, þar sem áfram verður lögð áhersla á að tengja saman fólk, fyrirtæki, sveitarfélög og þekkingu sem mun styðja við verkefni sem stuðla að betri nýtingu auðlinda og aukinni verðmætasköpun á Norðurlandi.“ Starfið var auglýst síðastliðið vor og Mögnum ráðningaskrifstofa aðstoðaði Eim við ráðningarferlið.

Hlutverk sveitarfélaga í grænni umbreytingu til umræðu á lokamálþingi RECET verkefnisins

26. ágúst 2026
Hlutverk dreifbýlissvæða í orkuskiptum og grænni umbreytingu Evrópu

RECET í kastljósi EU Research

2. júlí 2026
Alþjóðleg viðurkenning á framlagi RECET til sjálfbærrar orkuframtíðar