13. apríl 2021

Eimur - World Geothermal Congress 2020

Þann 30. mars síðastliðinn var Alþjóðlega Jarðvarmaráðstefnan 2020 (World Geothermal Congress 2020) sett með stuttum viðburði í gegnum netið. Ráðstefnan átti að fara fram í Reykjavík á síðasta ári en var færð yfir á árið 2021 vegna aðstæðna í heiminum. Ráðstefnan stendur yfir frá 30. mars til 27. október og inniheldur fjölmarga viðburði sem fara fram í gegnum netið eða í raunheimum.

Í dag (13. apríl) er fyrsti vefræni viðburður ráðstefnunnar og kallast hann Viðskipti og Umhverfi (Business and Environment).  Eimur er með erindi á þessum viðburði þar sem Ottó Elíasson, Rannsókna- og Þróunarstjóri hjá Eimi, fjallar um hlut jarðvarma í orkumálum á Norðausturlandi. Erindið er byggt á skýrslu sem Gunnlaug Helga Ásgerisdóttir, sumarstarfsmaður hjá Eimi árið 2018, vann um nýtingu vatns og orku á Norðausturlandi.

Erindið má sjá hér að neðan.

Deila frétt

Skráning hafin á Akureyri Energy Seminar í Hofi

Eftir Kolfinna María Níelsdóttir • 10. apríl 2025
RECET verkefnið og Net Zero Islands Network standa fyrir þessum viðburði, þar sem sérfræðingar, stefnumótendur og hagsmunaaðilar koma saman til að ræða og stuðla að orkuskiptum á eyjum og í dreifðum byggðum. Ráðstefnan er einstakt tækifæri til að miðla þekkingu, skoða nýjar lausnir og efla tengslanet. Dagskráin samanstendur af framsöguerindum og umræðum sem miða að því að styðja við sjálfbæra þróun og grænna samfélag. Ókeypis er á ráðstefnuna sem fer einnig fram í streymi - skráning fer fram hér: https://www.recetproject.eu/events/akureyrienergyseminar Um RECET: RECET (Rural Europe for the Clean Energy Transition) er samstarfsverkefni fimm landa og tuga sveitarfélaga um alla Evrópu, með Ísland í fararbroddi. Verkefnið miðar að því að efla getu sveitarfélaga í dreifðum byggðum í Evrópu og atvinnulífsins til að takast á við orkuskipti og smíða orkuskiptaáætlanir fyrir svæðin. RECET er styrkt af LIFE styrktaráætlun Evrópusambandsins sem leggur áherslu á umhverfis- og loftslagsmál. Um Net Zero Islands Network: Net Zero Islands Network gegnir lykilhlutverki í þróun grænna og sjálfbærra orkulausna fyrir eyjar og afskekkt svæði. Markmið netsins er meðal annars að auðvelda miðlun þekkingar milli eyja og afskekktra svæða, skapa fleiri atvinnutækifæri og kanna möguleika á kolefnisneikvæðum lausnum. Norræna orkurannsóknarstofnunin (Nordic Energy Research) hefur umsjón með verkefninu. 

Samstarf og sjálfbærni í Sligo – Upphaf Nordic Bridge verkefnisins

9. apríl 2025
Nýtt evrópskt samstarf um nýsköpun og þekkingarmiðlun

Frábær þátttaka á upphafsfundi ICEWATER

2. apríl 2025
Um 80 manns tóku þátt í fyrsta fundi í ICEWATER verkefninu, sem haldinn var dagana 24. og 25. mars 2025 í húsnæði Orkuveitu Reykjavíkur í Elliðaárdalnum. Fundurinn markaði upphaf þessa metnaðarfulla verkefnis, sem miðar að því að flýta fyrir og bæta innleiðingu vatnaáætlunar á Íslandi.