4. júní 2021
Fyrirlestrar frá lausnamótinu Hacking Norðurland 2021
Lausnamótið Hacking Norðurland fór fram dagana 15. - 18. apríl 2021. Í tengslum við lausnamótið voru áhugaverðir fyrirlestrar til þess að veita þátttakendum innblástur og gefa betri sýn í frumkvöðlaheiminn.
Helstu fyrirlestra lausnamótsins má finna hér að neðan
- Fyrirlestur 1
- i) Áskoranir, hugmyndir og verkefni - Nýsköpunarferlið. Svava Björk, meðstjórnandi Hacking Hekla og stofnandi RATA, fjallar um upplegg lausnamótsins og fer einnig yfir það hvernig nýsköpunarferlið gengur fyrir sig.
- ii) Græn og gróskumikil framtíð. Ragnheiður Þórarinsdóttir, Rektor Landbúnaðarháskóla Íslands, fjallar um það starf sem skólinn stendur fyrir.
- iii) Tækifæri í samhengi. Sveinn Margerisson, sveitarstjóri Skútustaðahrepps og verkefnastjóri Nýsköpunar í norðri, fjallar um tækifærin sem eru á svæðinu.
- Fyrirlestur 2
- i) Guðmundur Haukur Sigurðarson, framkvæmdastjóri Vistorku, fjallar um innleiðingu lausna og starfsemi Vistorku
- ii) Arnar Sigurðsson, stofnandi Austan Mána og Hugmyndaþorps, ræðir sköpunarkraftinn sem býr í samfélögum
- Fyrirlestur 3
- i) James McDaniel, sigurvegari Hacking Suðurland 2020, ræðir verkefnið sitt og hvernig lausnamótið hjálpaði honum að vinna með hugmyndina sína
- ii) Ingvi Hrannar Ómarsson, frumkvöðull og kennari í Skagafirði, fer yfir þar starf sem hann stendur fyrir
- Fyrirlestur 4
- Kynningar teymanna fyrir dómnefnd
- Fyrirlestur 5
- i) Silja hjá SSNE og Kolfinna hjá SSNV fara yfir þann stuðning sem er í boði fyrir frumkvöðla á Norðurlandi
- ii) Dómnefnd kynnir sigurvegara lausnamótsins Hacking Norðurland 2021
Deila frétt
Orka var rauður þráður á Hönnunarþingi sem fór fram á Húsavík um helgina. Eimur tók þátt í fjölbreyttri dagskrá þar sem orka, nýsköpun, auðlindanýting og sjálfbærni voru skoðuð frá ólíkum sjónarhornum.
Tíunda Norræna lífgasráðstefnan (e. Nordic Biogas Conference) var haldin í Reykjavík dagana 2. til 4. september, á Hilton Reykjavík Nordica. Ráðstefnan er haldin annað hvert ár í samstarfi helstu aðila í lífgasiðnaði Norðurlandanna fimm, og ráðstefnustaðurinn færist milli landanna á ári hverju, frá því hún var fyrst haldin í Helsinki árið 2006. Þetta var í annað sinn sem hún er haldin hér á landi, en Ísland hýsti hana síðast árið 2014. Um tvö hundruð þátttakendur sóttu ráðstefnuna, og þar á meðal voru sveitarfélög, orkufyrirtæki, tæknibirgjar, fjárfestar, ráðgjafar, vísindafólk og fulltrúar landbúnaðarins. Sigurður Líndal Þórisson, sviðsstjóri sjálfbærra viðskipta hjá Eimi , flutti erindi í málstofu um landbúnað ásamt Sveini Aðalsteinssyni, framkvæmdastjóra Orkídeu. Útgangspunktur erindisins var sá að við fyrstu sýn virðist Ísland vera síðasta landið sem þarf á lífgasi að halda, enda húshitun og raforka að mestu úr endurnýjanlegum orkugjöfum. Samgöngur, landbúnaður og orkukostnaður í dreifbýli segja hins vegar aðra sögu. Í erindinu var farið yfir tvær ólíkar leiðir að sama marki: uppbyggingu á einum stað við Dysnes í Eyjafirði og dreifða nálgun í Húnaþingi vestra, þar sem Orkusamfélag Steingerðar byggir á samstarfi 34 kúabænda . Sigurður fór yfir rekstrarforsendurnar eins og þær blasa við í dag, þar sem tekjurnar liggja að minna leyti í sölu á metani, heldur frekar í hliðgjöldum fyrir lífrænan úrgang og í meltunni sem til verður við gerjunina og nýtist sem áburður. Hindranirnar eru fremur skipulagslegar en tæknilegar, því aðilar máls bíða hver eftir öðrum meðan forystu og stefnumótun ríkisins skortir. Erindinu lauk á endurtekningu sameiginlegrar áskorunar Eims og Orkídeu til tveggja ráðuneyta frá því í maí, um að ráðist verði í tvö tilraunaverkefni í landbúnaðartengdri metan vinnslu, bæði fyrir norðan og sunnan. Þátttaka í ráðstefnum af þessu tagi skiptir miklu máli fyrir verkefni sem eru enn í mótun. Þar fæst samanburður við þau lönd sem eru komin lengra, tengsl myndast við tæknibirgja og mögulega samstarfsaðila í umsóknum, og ekki síst er þetta tækifæri til að koma íslenskum aðstæðum á framfæri. Þær eru sérstakar og þær rata ekki inn í norræna umræðu nema einhver mæti og segi frá þeim.
