Eimur flytur í Laxamýri

Eimur flytur í Laxamýri

Eimur hefur flutt skrifstofu sína frá Hafnarstræti 91 yfir í Strandgötu 19b sem kennt er við Laxamýri.

Laxamýri (Strandgata 19b) er tilkomumikið og virðuglegt hús og til mikillar prýði í umhverfi sínu. Húsið reisti Sigurjón Jóhannesson árið 1906. Hann hafði verið bóndi á Laxamýri í S-Þingeyjarsýslu um áratugaskeið áður en hann reisti húsið og kemur nafnið af húsinu þaðan. Húsið hefur gengt ýmsum hlutverkum gegnum tíðina.  Hjálpræðisherinn var hér til húsa lengi og hafði hér mötuneyti, samkomusal og gistiheimili. Síðar hafði Akureyrarbær skrifstofur í húsinu og hér var einnig Lögfræðistofa.

,,Fyrsta skrefið í átt að nýsköpunarsetri á Akureyri var tekið í þessari viku. Kjarninn í húsinu er nýsköpunarverkefnið Eimur og bjóðum við frumkvöðla og aðra gesti hjartanlega velkomna í spjall um orkutengda nýsköpun hvenær sem er."  

Við þökkum Landsvirkjun og Háskólanum á Akureyri kærlega fyrir að hafa hýst teymið á meðan húsnæðisvandinn stóð yfir.