16. maí 2018
Tuttugu hugmyndir bárust í matvælasamkeppni
Alls bárust 20 hugmyndir í hugmyndasamkeppnina "Gerum okkur mat úr jarðhitanum" en skilafresturinn rann út á miðnætti í gær. Úrslitin verða tilkynnt á viðburði í Hofi um miðjan júní. Tillögurnar sem bárust voru mjög fjölbreyttar og líklega verður úr vöndu að ráða fyrir dómnefndina sem hefja mun störf síðar í vikunni.
Eimur leitar sífellt að nýjum hugmyndum að því hvernig hægt er að auka fjölbreytni í nýtingu jarðhitans á NA-landi. Ljóst er að með því að halda reglulega hugmyndasamkeppnir er hægt að fá fram skapandi og skemmtilegar tillögur, og jafnvel að koma þeim í framkvæmd. Stefnt er að því að halda næstu samkeppni í haust. Lumar þú á góðri jarðhitahugmynd? Endilega láttu okkur vita.
Deila frétt
Sniglarækt sem ný aukabúgrein á Íslandi
Eimur hefur fengið öflugan liðsstyrk í Alessöndru Schnider sem bætist nú í hópinn og mun starfa á Norðurlandi vestra með aðsetur á Sauðárkróki. Alessandra lauk nýverið doktorsnámi í líffræði með áherslu á þróunarvistfræði í sameiginlegu námi Háskólans á Hólum og Háskóla Íslands. ,,Við erum mjög spennt að fá Alessöndru til liðs við okkur hjá Eimi, og verður hennar þekking og reynsla til að efla starfsemi félagsins enn frekar á Norðurlandi vestra”, segir Ottó Elíasson, framkvæmdastjóri Eims. Alessandra er með meistarapróf í erfðafræði og líffræðilegri mannfræði frá Háskólanum í Zürich í Sviss og BS próf í líffræði frá sama skóla. Á ferli sínum hefur Alessandra sinnt fjölbreyttum verkefnum tengdum fiskrannsóknum, náttúruvernd og vísindamiðlun, meðal annars með því að stofna og reka miðlunarverkefnið Ice Fish Research og framleiða hlaðvarpið Fiskaspjall sem fjallar um íslenskar fiskrannsóknir. Alessandra hefur kennt við Háskólann á Hólum og Háskóla Íslands og unnið að fjölmörgum rannsóknarverkefnum og fengið til þess styrki. Hún hefur jafnframt birt vísindagreinar og flutt erindi á fjölda ráðstefna hérlendis og erlendis. ,,Það er dýrmætt að fá tækifæri til að nýta þekkingu mína í samfélagi sem tók vel á móti mér fyrir sex árum. Skagafjörður er orðið heimili mitt og mér þykir mikilvægt að geta unnið að verkefnum sem geta haft raunveruleg áhrif og stuðlað að jákvæðum breytingum. Menntun mín og reynsla hefur gefið mér sterka tengingu við náttúruna og ég vona að geta lagt mitt af mörkum með lausnum sem nýta auðlindir á ábyrgan hátt og vernda um leið hina einstöku náttúru Íslands”, segir Alessandra Schnider. Alessandra mun hefja störf 3. nóvember næstkomandi og bjóðum við hana velkomna til starfa. Starfið var auglýst þann 27. júní s.l. og bárust 18 umsóknir. Ráðningarferlið var unnið í samstarfi við ráðningafyrirtækið Hagvang.
Eimur kynnir með stolti gagnvirkt olíumælaborð
