18. júlí 2022

Erindi Eims fyrir nemendur á vegum SIT

SIT eða School for International Training  er bandarísk sjálfseignastofnun sem býður nemendum í bandaríkjunum upp á fjölbreytt námskeið á háskólastigi. Undanfarin ár hafa verið í boði  námskeið á Íslandi  þar sem áherslurnar eru auk íslensku, málefni tengd endurnýjanlegri orku, tækni og auðlindahagfræði. Vistorka hefur verið í samstarfi við SIT síðan 2019 og fengið til sín fjölda nemenda og skipulagt fyrirlestra, verkefnavinnu og skoðunarferðir fyrir hópana.

Eimur hefur síðustu ár tekið þátt í þessari dagskrá en Ottó Elíasson, rannsóknar- og þróunarstjóri hjá Eimi hélt erindi fyrir hópinn í júní sl. um orkumál og nýtingu jarðvarma á svæðinu, sér í lagi um tækifæri og takmarkanir í jarðhitatengdri matvælaframleiðslu. Kolfinna María Níelsdóttir, verkefnastjóri var með innlegg fyrir nemendur nú um miðjan júlí og fór hún yfir hlutverk Eims og ræddi ýmis frumkvöðlaverkefni sem Eimur hefur staðið að m.a. samstarfsverkefnið Norðanátt og Nýsköpunargarðinn, samstarfsverkefni Eims, Orkídeu og Bláma.

 

 

 

Deila frétt

Skráning hafin á Akureyri Energy Seminar í Hofi

Eftir Kolfinna María Níelsdóttir • 10. apríl 2025
RECET verkefnið og Net Zero Islands Network standa fyrir þessum viðburði, þar sem sérfræðingar, stefnumótendur og hagsmunaaðilar koma saman til að ræða og stuðla að orkuskiptum á eyjum og í dreifðum byggðum. Ráðstefnan er einstakt tækifæri til að miðla þekkingu, skoða nýjar lausnir og efla tengslanet. Dagskráin samanstendur af framsöguerindum og umræðum sem miða að því að styðja við sjálfbæra þróun og grænna samfélag. Ókeypis er á ráðstefnuna sem fer einnig fram í streymi - skráning fer fram hér: https://www.recetproject.eu/events/akureyrienergyseminar Um RECET: RECET (Rural Europe for the Clean Energy Transition) er samstarfsverkefni fimm landa og tuga sveitarfélaga um alla Evrópu, með Ísland í fararbroddi. Verkefnið miðar að því að efla getu sveitarfélaga í dreifðum byggðum í Evrópu og atvinnulífsins til að takast á við orkuskipti og smíða orkuskiptaáætlanir fyrir svæðin. RECET er styrkt af LIFE styrktaráætlun Evrópusambandsins sem leggur áherslu á umhverfis- og loftslagsmál. Um Net Zero Islands Network: Net Zero Islands Network gegnir lykilhlutverki í þróun grænna og sjálfbærra orkulausna fyrir eyjar og afskekkt svæði. Markmið netsins er meðal annars að auðvelda miðlun þekkingar milli eyja og afskekktra svæða, skapa fleiri atvinnutækifæri og kanna möguleika á kolefnisneikvæðum lausnum. Norræna orkurannsóknarstofnunin (Nordic Energy Research) hefur umsjón með verkefninu. 

Samstarf og sjálfbærni í Sligo – Upphaf Nordic Bridge verkefnisins

9. apríl 2025
Nýtt evrópskt samstarf um nýsköpun og þekkingarmiðlun

Frábær þátttaka á upphafsfundi ICEWATER

2. apríl 2025
Um 80 manns tóku þátt í fyrsta fundi í ICEWATER verkefninu, sem haldinn var dagana 24. og 25. mars 2025 í húsnæði Orkuveitu Reykjavíkur í Elliðaárdalnum. Fundurinn markaði upphaf þessa metnaðarfulla verkefnis, sem miðar að því að flýta fyrir og bæta innleiðingu vatnaáætlunar á Íslandi.