9. nóvember 2023
Fyrsti verkefnafundur RECET í Slóveníu
Fyrsti verkefnisfundur í LIFE-verkefninu RECET (Rural Europe for the Clean Energy Transition), var haldinn í Postojna í Slóveníu, 7. og 8. nóvember. Fyrri daginn lögðu þátttakendur saman línurnar fyrir verkefnið og þann seinni leiddu starfmenn Energiakademiet á Samsö í Danmörku hópinn saman í þjálfun um leiðir til að virkja fólk til þátttöku í vinnu um orku- og loftslagsmarkmið og við smíði loftslagsáætlana á svæðum þátttakenda.
Hópurinn samanstendur af níu þátttakendum frá fimm Evrópulöndum. Frá Íslandi eru það Íslensk NýOrka
og Eimur ásamt Samtök sveitarfélaga og atvinnuþróunar á Norðurlandi eystra - SSNE
og Vestfjarðastofa
, frá Danmörku Samsø Energiakademi, frá Slóveníu byggðaþróunarskrifstofan Zavod Iskriva,
og sveitarfélgið Občina Postojna
, frá Spáni eyjaráðið Consell Insular de Menorca
, og frá Svíþjóð Energikontor Syd.
Takk fyrir frábæra daga, við snúum aftur full innblásturs!
Deila frétt
Ónýttur varmi gæti orðið grunnur að nýjum tækifærum í sveitum landsins
Skiptineminn Hannah Foley rannsakaði hvernig nýta mætti jarðhita til að auka metanframleiðslu úr búfjáráburði og efla lífgasframleiðslu á Íslandi. Verkefnið var unnið í samstarfi við Eim og veitir mikilvæga innsýn í möguleika sjálfbærra orkulausna í landbúnaði.
Mikil þátttaka var á frumsýningu ICEWATER gámsins þar sem gestir frá iðnaði, stjórnsýslu, stofnunum og fyrirtækjum kynntu sér nýstárlegar lausnir í meðhöndlun iðnaðarfrárennslis og verðmætasköpun úr fráveitu frá matvælaiðnaði.
