26. október 2022

Tveir mentorafundir afstaðnir í Vaxtarrými - Norðanátt

Þátttakendur í Vaxtarrými hafa nú lokið tveimur mentorafundum í viðskiptahraðlinum. Vaxtarrými er átta vikna viðskiptahraðall beint að sjálfbærni, með áherslu á mat, vatn og orku þar sem þátttakendur fá tækifæri til að vaxa og efla sig og sín fyrirtæki. Einn liður í þeirri eflingu er að hitta reynslumikla leiðbeinendur, aðra frumkvöðla, fjárfesta og stjórnendur fyrirtækja. 

Á mynd að ofan eru þau:

- Bergrún Björnsdóttir, fjárfestingastjóri hjá Lífeyrissjóði Verslunarmanna
- Hildur Þóra Magnúsdóttir, framkvæmdastjóri Pure Natura
 - Kjartan Sigurðsson ( ph.d.), lector við Viðskipta og Raunvísindasvið Háskólans á Akureyri
- Tinna Hrund Birgisdóttir, verkefnastjóri hjá Íslandsstofu á matvæla og sjávarútvegssviði
- Hrönn Greipsdóttir, framkvæmdastjóri Nýsköpunarsjóðs atvinnulífsins
- Baldvin Valdemarsson, frv. sviðsstjóri atvinnu- og byggðaþróunar hjá SSNE

 Hér er hægt að lesa meira um mentorana: https://www.nordanatt.is/frumkvodlafrettir/fyrsti-mentorafundur-vaxtarrmis-2022

Á mynd hér fyrir neðan eru þau:

- Sesselía Birgisdóttir, Forstöðumaður nýsköpunar og markaðsmála hjá Högum
- Stefán Pétur Sólveigarsson, verkefnastjóri Hraðsins miðstöðvar nýsköpunar á Húsavík.
- Karl Guðmundsson, forstjóri Florealis ehf.
- Hreinn Þór Hauksson, framkvæmdastjóri viðskipta- og vöruþróunar hjá Íslenskum verðbréfum
- Rannveig Björnsdóttir,  dósent við auðlindadeild Háskólans á Akureyri.
- Auðjón Guðmundsson,  framkvæmdastjóri markaðs- og sölusviðs hjá Nóa Siríus.
- Sigurður Markússon er forstöðumaður nýsköpunardeildar á Viðskiptaþróunar- og nýsköpunarsviði Landsvirkjunar.

 Hér er hægt að lesa meira um mentorana:   https://www.nordanatt.is/frumkvodlafrettir/annar-mentorafundur-vaxtarrmis 

Deila frétt

Eimur stýrir nýju Evrópuverkefni um orkujákvæð héruð

22. október 2026

Eimur á Hönnunarþingi á Húsavík

28. september 2026
Orka var rauður þráður á Hönnunarþingi sem fór fram á Húsavík um helgina. Eimur tók þátt í fjölbreyttri dagskrá þar sem orka, nýsköpun, auðlindanýting og sjálfbærni voru skoðuð frá ólíkum sjónarhornum.

Eimur á Norrænu lífgasráðstefnunni 2026

7. september 2026
Tíunda Norræna lífgasráðstefnan (e. Nordic Biogas Conference) var haldin í Reykjavík dagana 2. til 4. september, á Hilton Reykjavík Nordica. Ráðstefnan er haldin annað hvert ár í samstarfi helstu aðila í lífgasiðnaði Norðurlandanna fimm, og ráðstefnustaðurinn færist milli landanna á ári hverju, frá því hún var fyrst haldin í Helsinki árið 2006. Þetta var í annað sinn sem hún er haldin hér á landi, en Ísland hýsti hana síðast árið 2014. Um tvö hundruð þátttakendur sóttu ráðstefnuna, og þar á meðal voru sveitarfélög, orkufyrirtæki, tæknibirgjar, fjárfestar, ráðgjafar, vísindafólk og fulltrúar landbúnaðarins. Sigurður Líndal Þórisson, sviðsstjóri sjálfbærra viðskipta hjá Eimi , flutti erindi í málstofu um landbúnað ásamt Sveini Aðalsteinssyni, framkvæmdastjóra Orkídeu. Útgangspunktur erindisins var sá að við fyrstu sýn virðist Ísland vera síðasta landið sem þarf á lífgasi að halda, enda húshitun og raforka að mestu úr endurnýjanlegum orkugjöfum. Samgöngur, landbúnaður og orkukostnaður í dreifbýli segja hins vegar aðra sögu. Í erindinu var farið yfir tvær ólíkar leiðir að sama marki: uppbyggingu á einum stað við Dysnes í Eyjafirði og dreifða nálgun í Húnaþingi vestra, þar sem Orkusamfélag Steingerðar byggir á samstarfi 34 kúabænda . Sigurður fór yfir rekstrarforsendurnar eins og þær blasa við í dag, þar sem tekjurnar liggja að minna leyti í sölu á metani, heldur frekar í hliðgjöldum fyrir lífrænan úrgang og í meltunni sem til verður við gerjunina og nýtist sem áburður. Hindranirnar eru fremur skipulagslegar en tæknilegar, því aðilar máls bíða hver eftir öðrum meðan forystu og stefnumótun ríkisins skortir. Erindinu lauk á endurtekningu sameiginlegrar áskorunar Eims og Orkídeu til tveggja ráðuneyta frá því í maí, um að ráðist verði í tvö tilraunaverkefni í landbúnaðartengdri metan vinnslu, bæði fyrir norðan og sunnan. Þátttaka í ráðstefnum af þessu tagi skiptir miklu máli fyrir verkefni sem eru enn í mótun. Þar fæst samanburður við þau lönd sem eru komin lengra, tengsl myndast við tæknibirgja og mögulega samstarfsaðila í umsóknum, og ekki síst er þetta tækifæri til að koma íslenskum aðstæðum á framfæri. Þær eru sérstakar og þær rata ekki inn í norræna umræðu nema einhver mæti og segi frá þeim.