30. september 2025

Slímugir, en bragðgóðir - Sniglasmakk og fræðsla á Hönnunarþingi

Um liðna helgi tók Eimur þátt í Hönnunarþingi Hraðsins á Húsavík, sem nú var haldið í þriðja sinn. Hönnunarþing er hátíð hönnunar og nýsköpunar þar sem m.a. skapandi greinar og frumkvöðlastarf mætast á fjölbreyttan hátt, en í ár var sjónum beint sérstaklega að mat og ólíkum snertiflötum hönnunar og matarhandverks. Á dagskránni mátti finna fyrirlestra frumkvöðla og hönnuða, sýningar, sköpunarverk matreiðslufólks, tónlistaratriði og nýstárleg verkefni sem öll vörpuðu ljósi á hvernig hugmyndaflug, hönnun og framtíðarsýn geta skapað einstaka upplifun.

Eimur kynnir sniglarækt á Norðurlandi á Hönnunarþingi á Húsavík


Eimur var með innlegg til hátíðarinnar á föstudeginum þegar Sigurður Líndal Þórisson hjá Eimi hélt erindi um sniglarækt sem nýjan og spennandi möguleika fyrir íslenskan landbúnað og þá möguleika sem felast í að nýta glatvarma til sniglaframleiðslu hér á landi. Erindinu var vel tekið af gestum þingsins og fjölbreyttar spurningar sem bárust frá gestum úr sal, enda um algjöra nýjung um að ræða hér á landi. (sjá myndir neðar í frétt)

Sniglasmakk Eims á Hönnunarþingi á Húsavík

Á laugardeginum bauð Eimur gestum Hönnunarþingsins að smakka snigla frá írsku sniglaræktinni Inis Escargot. Viðbrögðin létu ekki á sér standa og voru mótttökurnar einstaklega jákvæðar. Framreiðslan var í höndum Kolfinnu Maríu, sem fékk frábæra aðstoð frá Ásbirni Nóa, kokki á Húsavík og Kjartani Gíslasyni, kokki og stofnanda OmNom. Við færum þeim okkar bestu þakkir fyrir dygga aðstoð.

Sniglaviðburðir á Norðurlandi í október
Áframhaldandi umræður og fræðsla um sniglarækt sem nýja og sjálfbæra aukabúgrein halda svo áfram í október, þegar Eimur stendur fyrir röð fræðandi og hagnýtra viðburða víðs vegar um Norðurland. Þar verður meðal annars fjallað um:
• Hvernig hægt er að nýta glatvarma úr hitaveitulögnum til arðbærrar framleiðslu
• Snigla sem lúxusmatvöru á alþjóðamarkaði
• Nýting afurða snigla í fiskeldi, snyrtivörur og áburð
• Tækifæri til fjölbreyttari atvinnusköpunar í dreifbýli
Einn af fyrirlesurum viðburðanna er írskur sniglabóndi, Peter Monaghan frá Inis Escargot, sem hefur áratuga reynslu af aðlögun sniglaræktunar að ólíkum aðstæðum og deilir nú þekkingu sinni með íslenskum bændum, frumkvöðlum og öðrum áhugasömum.

Staðsetningar og tímasetningar
• 14. október · kl. 12:00–16:00 · Hlaðan, Hvammstanga
• 15. október · kl. 17:00–21:00 · 1238 safnið, Sauðárkróki
• 16. október · kl. 10:00–14:00 · Sel Hótel, Þingeyjarsveit
• 16. október · kl. 16:00–18:00 · Drift EA, Akureyri

Við hvetjum alla áhugasama – bændur, frumkvöðla og þá sem hafa hug á að kanna nýjar leiðir í atvinnu- og verðmætasköpun, að taka þátt á fræðsluviðburðum Eims í október. Skráning og þátttaka er ókeypis og boðið verður upp á léttar veitingar! 


Smelltu hér til að skrá þig


  • Slide title

    Write your caption here
    Button

  • Slide title

    Write your caption here
    Button
  • Sigurður Líndal Þórisson með erindi um sniglarækt á Íslandi

    Slide title

    Write your caption here
    Button

  • Slide title

    Write your caption here
    Button

  • Slide title

    Write your caption here
    Button

  • Slide title

    Write your caption here
    Button
  • Erindi Eims um sniglarækt vakti mikla lukku á Hönnunarþingi Hraðsins á Húsavík

    Slide title

    Write your caption here
    Button

Deila frétt

Nýr aðgerðabanki styður sveitarfélög í loftslagsaðgerðum

17. febrúar 2026
Hagnýtt verkfæri fyrir markvissa aðgerðaáætlun

Guðrún Huld ráðin til Eims

5. febrúar 2026
Brátt gengur til liðs við okkur Guðrún Huld Gunnarsdóttir en hún tekur við starfi verkefnastjóra markaðs- og kynningarmála hjá Eimi. Guðrún er með BS-gráðu í viðskiptafræði með áherslu á markaðssamskipti og samfélagsmiðla og stundar nú meistaranám í markaðsfræði. Hún er jafnframt með D-vottun í verkefnastjórnun. Menntun hennar og starfsferill endurspegla sterkan grunn í stefnumótun, markaðshugsun, skipulagi og skapandi útfærslu. Síðast starfaði Guðrún hjá Nova sem rekstrarstjóri á Akureyri, þar sem hún bar ábyrgð á daglegum rekstri, teymisstjórnun og þjónustuupplifun viðskiptavina. Hún hefur yfir 25 ára reynslu af viðburðarhaldi og hefur stýrt bæjarhátíðinni Mærudagar á Húsavík frá árinu 2018. Auk þess á og rekur Guðrún listdansskólann Steps Dancecenter, þar sem hún hefur byggt upp faglegt og skapandi starf. Þar hefur hún öðlast víðtæka reynslu í vörumerkjauppbyggingu, markaðssetningu, rekstri og verkefnastjórnun í skapandi umhverfi. Með bakgrunn í grafískri hönnun, markaðsfræðum og rekstri kemur Guðrún með skýra og heildstæða nálgun á markaðs- og kynningamál, þar sem áhersla er lögð á samræmda ímynd, markvissa verkefnastjórnun og skapandi lausnir sem styðja við markmið og stefnu Eims. "Það er gríðarlega mikilvægt fyrir félag eins og Eim, sem er í eigu opinberra aðila, að miðla starfi sínu með skýrum og lifandi hætti. Kolfinna María hefur leikið lykilhlutverk í að efla sýnileika félagsins undanfarin ár og sinnt því starfi af einurð og list. Við því erum afskaplega heppin að fá Guðrúnu Huld til að taka við keflinu sem hefur til að bera menntun og mikla reynslu á þessu sviði", segir Ottó Elíasson framkvæmdastjóri Eims. Guðrún mun hefja störf 19. febrúar næstkomandi og bjóðum við hana velkomna í hópinn. Jafnframt viljum við þakka Kolfinnu fyrir frábært samstarf síðustu fjögur ár og óska henni góðs gengis á nýjum vettvangi. Starfið var auglýst þann 5. desember sl. og bárust 21 umsóknir. Ráðningarferlið var unnið í samstarfi við ráðningafyrirtækið Mögnum.

Samvinna um hreinsun fráveitu frá sláturhúsi Kjarnafæðis Norðlenska á Húsavík

30. janúar 2026
Eimur, Kjarnafæði Norðlenska og Orkuveita Húsavíkur ætla að vinna saman að uppsetningu og tímabundnum rekstri færanlegs hreinsivirkis við sláturhús Kjarnafæðis Norðlenska á Húsavík. Samvinna sem þessi er mikilvægur þáttur í því að gera verkefnið að veruleika og hraða innleiðingu lausna fyrir hreinsun iðnaðarfráveitu á Íslandi. Verkefnið er hluti af LIFE-ICEWATER , sem er stýrt af Umhverfis- og Orkustofnun, og hefur það að markmiði að sýna í verki hvernig bæta megi meðhöndlun fráveituvatns frá matvælavinnslu og draga úr álagi á fráveitukerfi og viðtaka. Markmið verkefnisins er þó ekki einungis að bæta hreinsun fráveituvatns, heldur einnig að fanga verðmæt efni sem hingað til hafa farið til spillis með fráveitunni og oft endað út í sjó. Með hreinsivirkinu verður lífrænt efni, svo sem fita og prótein, skilin frá vatninu og tekin til frekari greiningar og nýtingar. „Kjarnafæði Norðlenska leggur mikla áherslu á ábyrga nýtingu auðlinda og að draga úr umhverfisáhrifum starfseminnar. Þetta samstarf við Eim og Orkuveitu Húsavíkur er mikilvægt skref í þá átt, þar sem við getum bæði bætt hreinsun fráveitu frá sláturhúsinu og skapað tækifæri til hringrásar og verðmætasköpunar. Verkefnið sýnir vel hvernig samvinna ólíkra aðila getur flýtt innleiðingu nýrra lausna og stuðlað að sjálfbærari matvælaframleiðslu á Íslandi", segir Ágúst Torfi forstjóri Kjarnafæði Norðlenska. Fita frá vinnslunni verður síuð frá og mun fyrirtækið Gefn taka á móti henni og vinna áfram í lífdísil, sem styrkir tengsl verkefnisins við innlend orkuskipti og sjálfbæra eldsneytisframleiðslu. Próteinríkt efni úr fráveitunni gæti jafnframt skapað grundvöll fyrir nýja nýtingarmöguleika, til dæmis í áburð, fóður eða aðrar lausnir. Verkefnið opnar þannig á tækifæri til nýsköpunar og verðmætasköpunar með hringrásarhugsun að leiðarljósi, þar sem úrgangur verður að auðlind. Reynsla og gögn sem safnast í verkefninu munu nýtast við áframhaldandi þróun lausna fyrir hreinsun iðnaðarfráveitu á Íslandi og styðja við innleiðingu vatnaáætlunar og sjálfbærari rekstur matvælafyrirtækja. Ljósmynd með frétt - Markaðsstofa Norðurlands