Breyttar ferðavenjur

Leggja grunn að bættum tengingum á milli vistvænna ferðamáta og skapa þannig raunhæfa leið til að ferðast um með vistvænum hætti. Skapa umhverfi sem gerir heimilum mögulegt að fækka bílum í rekstri.

Hefja greiningu á því sem þarf til að hægt sé að móta heildstætt kerfi vistvænna samgangna milli allra sveitarfélaga innan tiltekins svæðis, t.d. landshluta.

t.d. landshlutasamtök í samstarfi við sveitarfélög

Auka notkun almenningssamgangna, draga úr notkun einkabílsins og þar með lækka kolefnisspor sveitarfélagsins og íbúana.

Í samvinnu við nærliggjandi sveitarfélög, skipuleggja möguleikana á almenningssamgöngum milli þeirra með það að markmiði að draga úr fjölda bílferða í einkabíl og þar með lækka kolefnisspor sveitarfélagsins.

T.d. skipulagsdeild, umhverfisdeild

Að útlioka ekki einstaka samfélagshópa frá almenningssamgöngum með því að tryggja aðgengi fyrir öll, óháð ferðamáta, atgervi og aldri.

Kortleggja og greina hvar takmarkanir eru í núverandi kerfi með tilliti til ólíkra hópa. Hafa samráð við alla notendur. Útbúa framkvæmdaáætlun í kjölfarið.

T.d. umhverfisdeild og framkvæmdadeild

Að fjölga íbúum sveitarfélagsins sem nota reiðhjól sem samgöngumáta og lækka þannig kolefnisspor ásamt því að auka lífsgæði íbúa.

Uppbygging fjölbreyttra samgönguinnviða fyrir hjól í þéttbýli. Byggja upp hjólastígakerfi, endurhanna gatnamót fyrir hjólandi, setja upp umferðarljós fyrir hjólandi, setja upp vandaða hjólastanda hjá starfsstöðvum bæjarins ásamt hjólatyllum og ruslafötum sem eru sérhönnuð fyrir hjólandi vegfarendur. Græn skref eru með áherslur sem snúa að vistvænum samgöngum.

T.d. umhverfisdeild

Byggja upp vandað hjólastígakerfi milli sveitarfélaga og auðvelda þannig samgöngur út fyrir bæjarmörk á hjólum.

Hefja markvissa og faglega greiningu um hvar núverandi hjólaleiðir liggja og hvar best sé að koma nýjum leiðum fyrir. Krefst samtals við öll sveitarfélögin og að þau taki niðurstöðurnar inn í aðalskipulag.

T.d. landshlutasamtök í samstarfi við sveitarfélög

Skapa möguleika fyrir ungmenni og aðra notendur í minni þéttbýlium til að flétta saman hjólandi ferðamáta við almenningssamgöngur ásamt því að búa til möguleika á því að nota vistvæna ferðamáta fyrir lengri ferðir.

Hefja sameiginlega greiningu allra sveitarfélaga og landbyggðarstrætó (Vegagerðin) á því hvaða staðir koma til greina. Semja við ríkið um mótframlag við sveitarfélögin til fjármögnunar.

Vegagerðin og sveitarfélög

Fjölga markvisst hjólandi vegfarendum.

Fjölga aðgengilegum hjólastæðum við byggingar sveitarfélagsins.

t.d. framkvæmdadeild

Fjölga gangandi og hjólandi vegfarendum yfir vetrartímann.

Kortleggja möguleika til að bæta núverandi vetrarþjónustu á helstu göngu- og hjólaleiðum. Rýna sérstaklega svæði við leik- og grunnskóla ásamt stærstu vinnustöðunum.

T.d. umhverfisdeild

Hvetja starfsfólk sveitarfélagsins til þess að hjóla eða ganga í vinnuna með því að bjóða upp á samgöngustyrk.

Bjóða starfsfólki uppá samgöngustyrk skv. reglum Skattsins. 

T.d. bæjarráð og fjármáladeild

Að fjölga vistvænum ferðum og hvetja starfsfólk sveitarfélaga til þess að nýta sér vistvæna ferðamáta s.s. rafskutlur og reiðhjól fremur en einkabílinn til ferða á vinnutíma.

Bjóða starfsfólki uppá afnot af rafhjóli á vinnutíma eða gera sérstaka samninga við rafskutluleigur um inneignir fyrir starfsólk að nýta sér til þess að lækka þröskuldinn fyrir það að nýta sér vistvæna ferðamáta. Tengist Grænum skrefum sveitarfélaga.

T.d. umhverfisdeild

Stuðla að því að virkir ferðamátar og almenningssamgöngur verði fyrsta ferðaval fólks í daglegu lífi. Fækka bílferðum og draga úr bílaþörf til að sinna daglegum erindum með þjónustu í göngufæri. Draga úr almennri ferðaþörf, stytta ferðir og auka hlutdeild vistvænna ferðamáta. Draga úr kolefnislosun og auka viðnámsþrótt byggðar gagnvart loftslagsbreytingum með samþættu skipulagi byggðar og vistvænna ferðamáta.

Rannsaka ferðavenjur og húsnæðisuppbyggingu í landshlutanum. Finna orsakasamhengi og tengja við framtíðaruppbyggingu. Breyta landnotkun í aðalskipulagi þannig að verslun og þjónusta sé staðsett í göngufæri við íbúðabyggð. Einnig er mögulegt að auka heimildir til verslunar- og þjónustu innan ibúðasvæða.

Skipulagsdeild

Fjölga öruggum götum fyrir vistvæna ferðamáta og til að auka hlutdeild þeirra sem nota vistvæna ferðamáta.

Breyta aðal- og deiliskipulagi þannig að það heimili vist- og göngugötur. Endurhanna götur sem eru þegar til staðar. Mælt er með að nota leiðbeiningar Skipulagsstofnunar: Mannlíf, byggð og bæjarrými.

T.d. skipulags-eða framkvæmdadeild