Orkuskipti

Lækka kolefnisspor sveitarfélagsins með því haga samningum þannig að það sé sjálfgefið að starfsfólk sveitarfélagana fái rafbíl/hreinorkubíl þegar þarf að leigja bíl. 

Gera samninga við bílaleigur um að þegar starfsfólk sveitarfélagsins þarf að leigja bílaleigubíl, þá sé það sjálfgefið að bíllinn sé rafbíll/hreinorkubíll. Áfram verði hægt að leigja jarðefnaeldsneytisbíl, ef þörf þykir, en að starfsfólk sveitarfélagsins þurfi þá að óska eftir því sérstaklega. Setja í innkaupastefnu.

T.d. umhverfisdeild

Draga úr notkun jarðefnaeldsneytis, lækka orkukostnað og draga úr losun CO2.

Í hvert sinn sem endurnýja á bifreið skal leitast við að kaupa rafbíl eða hreinorkubifreið. Leyfi til að kaupa bíl sem er ekki hreinorkubifreið þyrfti að rökstyðja.

T.d. innkaupastjóri

Að lækka kolefnisspor sveitarfélagsins.

Þegar uppfærslur, endurnýjanir eða útskipti eiga sér stað á tækjum í almenningssamgöngum þá skal fjárfesta í hreinorkutækjum. Þarf að verða hluti af innkaupastefnu.

T.d. umhverfisdeild og framkvæmdadeild

Draga úr notkun jarðefnaeldsneytis og þar með losun gróðurhúsalofttegunda.

Mörg dreifbýl sveitarfélög reka skólabíla sem henta vel til orkuskipta, t.d. með kaup á rafknúnum smárútum.

T.d. framkvæmdadeild

Búa til hvata fyrir íbúa og/eða fyrirtæki til þess að ráðast í orkuskipti 

Gefa afslátt af gjöldum (eða styrk á móti gjaldi í stað afsláttar) fyrir frumkvæði í orkuskiptum, s.s. uppsetningu á varmadælum, hleðslustöðvum, rafvæðingu tækja/bíla.

T.d. umhverfisdeild

Lækka orkukostnað íbúa og ýta áfram orkuskiptunum.

Settur verði upp teljari á heimasíðu sveitarfélagsins sem sýnir hlutfall eða fjölda rafbíla í sveitarfélaginu. Tölur um fjölda hreinorkubifreiða má nálgast hjá Samgöngustofu.

T.d. umhverfisdeild

Auðvelda starfsfólki sveitarfélagsins að eiga sjálft rafbíl með því að bjóða upp á það að hlaða rafbíl við vinnustaðinn.

Getur verið eins einfalt og að fela framkvæmdasviði það verkefni að setja upp slíka stöð. Rafverktakar geta veitt ráðgjöf.

T.d. framkvæmdadeild og umhverfisdeild

Gera það auðveldara fyrir íbúa og gesti sveitarfélagsins að eiga og hlaða rafbíl með því að bjóða upp á gott net hleðsluinnviða.

Skipuleggja þessa innviði m.t.t. annarrar þjónustu og getu rafkerfis til þess að anna hleðslu, kortleggja helstu staði og búa til samþykkt um staðsetningu þeirra.

T.d. skipulagsdeild

Gera það auðveldara fyrir íbúa og gesti við fjölbýli að eiga og hlaða rafbíl 

Skipuleggja hverfahleðsluinnviði m.t.t. greiningar á bestu staðsetningu og nálægðar við fjölbýli

T.d. skipulagsdeild

Að ýta undir orkuskiptin og rafvæðingu flutningabíla með því að skipuleggja hleðslunet og innviði fyrir þá í samvinnu milli sveitarfélaga.

Skipuleggja hleðslunet fyrir flutningabíla, þvert á landamæri sveitarfélaga, með það að markmiði að ýta orkuskiptunum áfram í landflutningum.

T.d. skipulagsdeildir, umhverfisdeildir, bæjarráð, veitur

Draga úr notkun jarðefnaeldsneytis, lækka orkukostnað og draga úr losun CO2.

Í hvert sinn sem endurnýja þarf tækjabúnað (t.d. fyrir vinnuskólann) sem gengur fyrir jarðefnaeldsneyti skal kaupa rafknúið tæki.

T.d. innkaupastjóri

Draga úr notkun jarðefnaeldsneytis og þar með losun gróðurhúsalofttegunda.

Ýmist má hætta alfarið slætti á grasi á völdum svæðum innan sveitarfélagsins, t.d. á umferðareyjum, í anda "viljandi villt", eða skipta út bensínsláttuvélum fyrir rafknúin tæki.

T.d. umhverfisdeild

Draga úr notkun jarðefnaeldsneytis, ýta undir rafvæðingu báta og vöruflutningabíla og draga úr losun CO2. 

Í samvinnu við hafnaryfirvöld og veitur undirbúa og skipuleggja höfn framtíðarinnar með innviðum sem geta flutt orku og hlaðið raf- og hreinorkubáta ásamt vöruflutningabílum.

T.d. skipulagsdeild

Draga úr hámarksaflþörf vegna hleðslu rafbáta við hafnir með því að nota sólarsellur og rafhlöður og þar með draga úr fjárfestingarþörf í innviðastækkun og hugsanlega lækka gjöld tengdum afltoppum.

Setja upp kerfi sem hvetur eigendur rafbáta til þess að taka þátt í álagsjöfnun með fjárhagslegum hvata á orkuverði til bátaeigenda. Notast við snjallstýringu, sólarsellur og rafhlöður ásamt upplýsingum frá bátaeigendum til þess að ákvarða hagkvæmasta tímann til þess að hlaða bátana.

T.d. hafnaryfirvöld og skipulagsdeild

Draga úr mengun og kolefnisspori skemmtiferðaskipa sem eru við hafnir á Íslandi.

Skipuleggja hvar á landinu eiga að vera landtengingar fyrir skemmtiferðaskip og varða leið að fjármögnun.

T.d. skipulagsdeild, hafnaryfirvöld, veitur

Draga úr notkun jarðefnaeldsneytis og losun CO2 með því að bjóða uppá hitaveitu tengingu við hafnir til að kynda báta í stað ljósavéla.

Kortleggja og leggja hitaveitu að hafnarsvæði sem bátar gætu nýtt til upphitunar. Skoða tengimöguleika með hafnaryfirvöldum.

T.d. skipulagsdeild, hafnaryfirvöld, veitur