Bætt nýting auðlinda á Norðurlandi

Hvað er Eimur?

Markmið Eims er að bæta nýtingu auðlinda á Norðurlandi með verðmætasköpun, sjálfbærni og nýsköpun að leiðarljósi.


Bakhjarlar Eims eru umhverfis-, orku- og loftslagsráðuneytið, Landsvirkjun, Samtök sveitarfélaga og atvinnuþróunar á Norðurlandi eystra, Samtök sveitarfélaga á Norðurlandi vestra, Norðurorka og Orkuveita Húsavíkur.


Nánar um Eim

Eimur sinnir fjölmörgum verkefnum sem öll snúa að bættri nýtingu auðlinda. Meðal viðfangsefna eru fjölnýting jarðvarma, orkuskipti, innleiðing hringrásarhagkerfis í iðnaði og öflugur stuðningur við nýsköpun. Hér getur þú skoðað þau verkefni sem Eimur sinnir og kemur að, en listinn er alls ekki tæmandi.

Orkuskipti í haftengdri starfsemi á Norðurlandi eystra

Í þessu verkefni stóð til að greina áhrif væntanlegra orkuskipta við allar hafnir á Norðurlandi eystra og meta vænt umfang þeirra

Glatvarmi á Bakka

Glatvarmi á Bakka er samstarfsverkefni Eims, PCC BakkiSilicon og Orkuveitu Húsavíkur. Markmið verkefnisins er að svara því hvort hagkvæmt sé að nýta glatvarma frá verksmiðju PCC BakkiSilicon á Bakka við Húsavík, ýmist í aðra iðnaðarstarfsemi eða fyrir hitaveitu á svæðinu

Samstarf við Hringvarma

Nýting glatvarma frá gagnaverum til matvælaframleiðslu

RECET

RECET er samstarfsverkefni fimm landa og tuga sveitarfélaga um alla Evrópu, með Ísland í fararbroddi.  

Grænn Iðngarður á bakka

Þróun og uppbygging Græns iðngarðs á Bakka við Húsavík

Nýsköpunargarðurinn

Rafræn frumkvöðlamiðstöð

Hringrás Nýsköpunar á Norðurlandi

Norðanátt er hreyfiafl nýsköpunar á Norðurlandi sem miðar að því að auka fjárfestingar á svæðinu.

Hacking Norðurland

Lausnamótið Hacking Norðurland fór fram dagana 15. - 18. apríl 2021 þar sem unnið var með sjálfbæra nýtingu auðlinda svæðisins með tilliti til orku, vatns og matar.

Vetni sem varaafl á Akureyrarflugvelli

Eimur er partur af verkefni sem kallast Vetni sem varaafl fyrir Akureyrarflugvelli en verkefnið gegnur út á það að taka fyrstu skrefin í að hanna varaaflsstöð fyrir Akureyrarflugvöll sem knúin er með hreinokru. Íslensk Nýorka leiðir verkefnið en fyrirtæki á borð við ISAVIA, GEORG og Íslenski orkuklasinn koma einnig að verkefninu.

Frostþurrkun með lághita

Frostþurrkun er verkunaraðferð sem lengir umtalsvert geymsluþol matvæla. Í hefðbundinni hitaþurrkun breytist bæði áferð og bragð vörunnar umtalsvert og þessi breyting óafturkræf.

Crowdthermal

Crowdthermal er alþjóðlegt rannsóknarverkefni með það markmið að efla samfélög til þess að taka beinan þátt í þróun jarðhitaverkefna. 

Sumarskóli EIMS 2019

Sumarskóli Eims gengur út á að leiða saman erlenda og íslenska háskólanema til að vinna saman að þverfaglegum verkefnum á NA-landi. Lögð er áhersla á sjálfbærni, nýsköpun og fjölnýtingu jarðvarma.

Gerum okkar mat úr jarðhitanum

Hugmyndasamkeppni um matvælaframleiðslu með jarðvarma á Norðausturlandi.

Sumarskóli EIMS 2018

Sumarskóli Eims 2018 gekk út á að leiða saman erlenda og íslenska háskólanema til að vinna saman að þverfaglegum verkefnum á NA-landi. Lögð var áhersla á sjálfbærni, nýsköpun og fjölnýtingu jarðvarma. 

Nemenda- og sumarverkefni

Samstarfsverkefni með Háskólanum á Akureyri og EFLU 

Hugmyndasamkeppni um nýtingu lághitavatns

EIMUR, í samstarfi við Íslensk verðbréf og Vaðlaheiðargöng hf, efndu í mars 2017 til hugmyndasamkeppni um nýtingu lághitavatns á Norðurlandi eystra.
Sjá meira
Yfirlit verkefna

Skráning hafin á Akureyri Energy Seminar í Hofi

Eftir Kolfinna María Níelsdóttir • 10. apríl 2025
RECET verkefnið og Net Zero Islands Network standa fyrir þessum viðburði, þar sem sérfræðingar, stefnumótendur og hagsmunaaðilar koma saman til að ræða og stuðla að orkuskiptum á eyjum og í dreifðum byggðum. Ráðstefnan er einstakt tækifæri til að miðla þekkingu, skoða nýjar lausnir og efla tengslanet. Dagskráin samanstendur af framsöguerindum og umræðum sem miða að því að styðja við sjálfbæra þróun og grænna samfélag. Ókeypis er á ráðstefnuna sem fer einnig fram í streymi - skráning fer fram hér: https://www.recetproject.eu/events/akureyrienergyseminar Um RECET: RECET (Rural Europe for the Clean Energy Transition) er samstarfsverkefni fimm landa og tuga sveitarfélaga um alla Evrópu, með Ísland í fararbroddi. Verkefnið miðar að því að efla getu sveitarfélaga í dreifðum byggðum í Evrópu og atvinnulífsins til að takast á við orkuskipti og smíða orkuskiptaáætlanir fyrir svæðin. RECET er styrkt af LIFE styrktaráætlun Evrópusambandsins sem leggur áherslu á umhverfis- og loftslagsmál. Um Net Zero Islands Network: Net Zero Islands Network gegnir lykilhlutverki í þróun grænna og sjálfbærra orkulausna fyrir eyjar og afskekkt svæði. Markmið netsins er meðal annars að auðvelda miðlun þekkingar milli eyja og afskekktra svæða, skapa fleiri atvinnutækifæri og kanna möguleika á kolefnisneikvæðum lausnum. Norræna orkurannsóknarstofnunin (Nordic Energy Research) hefur umsjón með verkefninu. 

Samstarf og sjálfbærni í Sligo – Upphaf Nordic Bridge verkefnisins

9. apríl 2025
Nýtt evrópskt samstarf um nýsköpun og þekkingarmiðlun

Frábær þátttaka á upphafsfundi ICEWATER

2. apríl 2025
Um 80 manns tóku þátt í fyrsta fundi í ICEWATER verkefninu, sem haldinn var dagana 24. og 25. mars 2025 í húsnæði Orkuveitu Reykjavíkur í Elliðaárdalnum. Fundurinn markaði upphaf þessa metnaðarfulla verkefnis, sem miðar að því að flýta fyrir og bæta innleiðingu vatnaáætlunar á Íslandi.

Vefþing um orkuskipti smábáta í sjávarútvegi

Eftir Kolfinna María Níelsdóttir • 21. mars 2025
Eimur og Vestfjarðastofa bjóða til vefþings, fimmtudaginn 3. apríl næstkomandi, þar sem fjallað verður um áskoranir og tækifæri við orkuskipti smábátaflotans. Hvað þarf til að orkuskipti smábáta verði að veruleika? Hvaða endurnýjanlegu orkugjafar verða í boði til notkunar á sjó? Hvaða reglur um haffærni rafmagnsbáta munu gilda? Sérfræðingar, hagsmunaaðilar og sjómenn munu ræða þessi og önnur mikilvæg mál eins og kostnað, hreinorkuívilnanir og áhrif breytinganna á byggðaþróun og samfélag. Þátttaka er öllum opin en til að fá fundarboð þarf að skrá sig. Smelltu hér til að skrá þig Dagskrá *Birt með fyrirvara um breytingar Hluti I: Tæknilausnir í farvatninu 13:00 – „Stefna stjórnvalda og orkuskipti smábáta“, Jóhann Páll Jóhannsson, Umhverfis-, orku- og loftlagsráðherra. 13:20 – „Rafmagns og tengiltvinnlausnir í smábátum”, Kolbeinn Óttarsson Proppé, stofnandi Grænafls. 13:40 – „Nýsmíði rafmagnsbáta,tækifæri og áskoranir“, Jónas Ingi Pétursson, Þrym. 14:00 – „Takmarkandi þættir þegar kemur að orkuskiptum smábáta”, Tinna Rún Snorradóttir, rannsókna- og þróunarstjóri Bláma. Kaffihlé – 10 mín Hluti II: Samfélag og orkuskipti smábáta 14.30 – „Öryggiskröfur rafbáta og leyfismál þeirra“, Ingólfur Örn Þorbjörnsson, sérfræðingur á Samgöngustofu. 14.50 – „Áskoranir fyrir hafnir vegna orkuskipta smábáta“, Gyða Mjöll Ingólfsdóttir, umhverfisstjóri Faxaflóahafna. 15:10 – „Orkuskipti smábáta út frá sjónarhóli smábátasjómanna“, Einar Helgason, formaður félags strandveiðisjómann á sunnanverðum Vestfjörðum. 15:30 – „Líklegar/hugsanlegar breytingar á Byggðamynstri samfara orkuskiptum í sjávarútvegi“, Dr. Catherine Chambers, rannsóknarstjóri hjá Stofnun Vilhjálms Stefánssonar. 15:50 - 16:10 - Pallborðsumræður fyrirlesara undir stjórn Ottós Elíassonar, framkvæmdastjóra hjá Eimi.
Yfirlit frétta

Ný skýrsla um olíunotkun á Íslandi


Í þessari skýrslu er olíusala áranna 2010-2020 greind eftir landshlutum og sveitarfélögum og þá er notkunin flokkuð eftir gerðum eldsneytis.


Greiningin gefur nýja vídd í umfjöllun um orkuskipti á Íslandi og setur þau í svæðisbundið samhengi, því ekki hafa áður legið fyrir opinberlega upplýsingar um olíusölu og notkun og þar með stöðu orkuskipta innan einstakra landshluta eða sveitarfélaga.


Skýrslan var unnin í samstarfi við Eflu verkfræðistofu.


Lesa skýrslu

Á döfinni

Fylgdu okkur á samfélagsmiðlum

Ert þú með góða hugmynd á sviði orkutengdrar nýsköpunar?

Hafa samband